藝人鄧萃雯昨日到沙田出席步行籌款活動，問到她對於今屆視帝、視后有否心水人選，她說：「呢排好少睇劇，唯一有睇《梟雄》，因為要捧秋生場，不過都係睇過兩集咁多。（睇好秋生攞視帝？）點會係黃秋生呀！（定黎耀祥？）唔會啦！攞四次？分吓畀其他人啦，好多人都好努力嘅，秋生攞過影帝，黎耀祥又三次視帝，仲同年輕人爭！」至於問她會如何慶祝聖誕節，她說：「會帶媽咪同朋友去台灣倒數新年。（會約栢芝一齊過？）佢好似好忙，成日都飛去做嘢，一落機就變番阿媽，湊仔教功課，好難約。」
