軒仔睇好周秀娜做《巨星放題》IQ王

最強娛樂資訊App《東網巨星》的重點娛樂節目《巨星放題》，推出以來成為全城熱話，順利進身決賽的周秀娜、連詩雅（Shiga）、陳瀅及蝦頭將迎戰三位星級考官「Dr.吹神」陳奕迅（Eason）、「Miss Kay」謝安琪及「Professor Hins」張敬軒的嚴峻發問，決賽分兩個回合進行，四女將要過關斬將！

封蝦頭大熱

四位接受終極考驗女星，誰可登上「放題IQ王」？考官之一「Miss Kay」謝安琪似乎對Shiga及蝦頭睇高一線，Kay說：「咁多集我都有睇，Shiga比我感覺係佻脫啲，我估佢唔到，佢好多條冷知識都答得中，我覺得佢幾叻，蝦頭喺我心目中好聰明，佢入到決賽一啲都唔出奇，分分鐘會贏埋添。」Eason都為四人加油打氣，他說：「佢哋入到決賽都有番咁上下醒嘅，我估唔到邊個會贏，大家又點睇？」

軒仔愛出冷知識題，挑戰腦筋。	連詩雅被謝安琪睇高一線。	蝦頭

娜姐轉數快

而「Professor Hins」張敬軒睇好邊個勝出，他坦白說：「都幾難揀，因為個個都係美貌與智慧並重，如果真係要揀一個，我會有啲私心，我揀娜姐（周秀娜）！因為佢轉數好快，佢嘅轉數喺依家我哋呢個行業嚟講，都真係典範，我呢啲咁低level嘅問題應該難唔到佢嘅！同埋我成日都有留意佢嘅訪問，同平時出嚟見記者嘅時候，係好有智慧嘅。」

謝安琪愛考娛樂題，考藝人記性！

陳瀅諗到瞇晒眼，氣氛緊張。

今集軒仔發問的冷知識比較深奧，挑戰腦筋，而謝安琪出題就與娛樂圈息息相關，擺明考大家記性，最生鬼好動的考官Eason就出動一個道具來考驗大家，非常有趣，第九集決賽第一回合已經在《東網巨星》有得睇，大家一click入去就可先睹為快。

文：音樂組