陳展鵬努力付出有望三連冠
藝人陳展鵬入行多年，由拍電視劇出身，到在唱片公司做歌手、拍電影，累積多年經驗才有今日的成績！之前陳展鵬已於馬來西亞及新加坡的電視頒獎禮中憑劇集《張保仔》奪視帝獎項，若然今次再在「萬千星輝頒獎典禮2015」再順利獲獎，便一年內三奪電視台視帝榮殊！問到陳展鵬有否信心，他坦言：「攞得到梗係開心，因為自己真係擺咗好多時間喺工作上，亦努力去學習、嘗試，希望得到觀眾共鳴。」
問到陳展鵬看好誰會奪獎時，陳展鵬坦言黃秋生是他的偶像，但他卻想黎耀祥或歐陽震華封視帝，他分析謂：「秋生嘅優點係佢將藝術生活貢獻晒喺演戲上，佢對工作同演戲嘅態度，我會好好學習。而黎耀祥同歐陽震華每年拍咁多套劇，分別都係唔同角色同劇種，要喺每套劇上都保持水準、發揮得咁好係一件相當困難嘅事。」不過陳展鵬坦言奪了兩個電視台視帝獎後的確為他打了支強心針：「唔係獎項方面，係大家對我的認同與支持。」