萬綺雯跑步練氣
藝人萬綺雯（蚊蚊）、林建明及關楚耀（Kelvin）昨日在觀塘APM出席慈善跑發布會。由於活動將於情人節正日舉行，蚊蚊笑言誠意邀請老公陳十三齊齊跑，更自爆被對方要求她跑步練氣：「佢準時7、8點就拉我起身跑步，佢想我中氣好啲，中醫都話我唔夠氣。」身旁的林建明聞言就搞笑呼籲舊情人屆時現身活動：「過往十幾年嘅舊情人都要出現，可能數晒手指同腳趾都數唔晒，見到又唔認得，我好掛住佢哋！」
談到前亞視執董葉家寶日前辭職，林建明直指決定正確，又戥對方陰功。蚊蚊則希望家寶能做令自己開心的事。至於Kelvin笑言獲林建明介紹女仔陪跑：「佢話安排咗驚喜畀我，我跑咗四年都係自己跑。（自己搵女伴？）好難，要撞到同夾到。」