點先娶蕊蕊？金剛：每月賺500萬
無綫藝員張秀文與金剛昨日為主持的旅遊節目《進擊昇龍道》出席記招。金剛早前捲入台灣夜場槍擊事件，現場他表演以武士刀劈竹時自嘲說：「以為畀把槍我添。」他受訪時謂一切已告一段落，事件與他無關，故心情一直輕鬆。
講到與張秀文在節目中於日本「結婚」，可擔心激嬲女友蕊蕊？金剛說：「有乜好嬲，佢聰明嘅話都知我唔會揀張秀文啦。」金剛指暫時無意結婚，也沒有計劃，希望多賺點錢，揚言要每月賺五百萬才迎娶蕊蕊。問可有與張秀文一起浸溫泉？他說：「冇，呢啲留番畀女仔，唔好破壞咗個畫面。」張秀文被問到可擔心蕊蕊嬲？她說：「唔會，但都有啲唔好意思，好似搶咗頭啖湯咁，金剛已經不斷喺節目拒絕我。」
