《東網民選》 胡杏兒揀秋生撐定欣

最強娛樂資訊App《東網巨星》舉辦的《東網民選TV King & Queen》啟動以來，已吸引了大批粉絲於《東網巨星》Facebook投票及瀏覽，每位候選演員每日的票數及瀏覽量此起彼落，戰況緊張。《東網》亦邀請了一班星級選民包括胡杏兒、岑麗香、楊秀惠、黃心穎、邵仲衡、李麗珍、林盛斌、鄧佩儀、張秀文、陳庭欣、江美儀、方中信，分別投選「星級心水視帝視后」。

一定撐好姊妹

視后級胡杏兒loop完候選名單後，便二話不說講出心聲：「嘩，精彩咯！呢個網頁好多嘢睇喎！正呀！視帝冇辦法，我都係揀黃秋生，因為同佢一齊拍《梟雄》，真係影帝級，返TVB拍劇非常吸引，有魅力，我會支持佢，視后呢……胡定欣我點會唔揀你呢，應該係你啦，It's your time！」岑麗香則投汪明荃一票：「記得一齊拍《華麗轉身》佢啲戲好感動，視帝呢，我會揀《無雙譜》田蕊妮……原來佢冇提名視帝，OK，咁我揀黃秋生，佢啲戲好勁呀！」

岑麗香心水 黃秋生 汪明荃	黃心穎心水 歐陽震華 胡定欣	方中信心水 蕭正楠 楊怡

而曾與胡定欣合作《鬼同你OT》的楊秀惠，也力撐對方封后：「定欣做得非常好，佢係好姊妹梗係要揀佢，佢今次做得好落力。視帝我就揀陳展鵬，佢做咩角色都非常似。」邵仲衡就力勸三屆視帝黎耀祥讓位給秋生，視后則揀胡定欣。

江美儀心水 陳展鵬 田蕊妮	胡定欣	楊秀惠心水 陳展鵬 胡定欣

陳展鵬續帶頭

經過統計後，「星級心水視帝視后」由黃秋生力壓票王陳展鵬及張繼聰跑出，胡定欣則一枝獨秀由頭帶到尾成為「星級心水視后」。而截至晚上八時的最新《東網民選TV King & Queen》頭三甲走勢，陳展鵬與鍾嘉欣分別以5,968票及3,966票繼續成為票王票后，緊隨其後的「視帝」分別是獲757票的張繼聰、423票的黃秋生，「視后」則為獲1,581票的胡定欣及784票的陳煒。

陳庭欣心水 王浩信 胡定欣	張秀文心水 張繼聰 胡杏兒	鄧佩儀心水 黎耀祥 鍾嘉欣
邵仲衡心水 黃秋生 胡定欣	李麗珍心水 黎耀祥 汪明荃	林盛斌視帝心水 張繼聰

文：影視組

「東網民選TV King」專頁 https://goo.gl/LKnaWu

「東網民選TV Queen」專頁 https://goo.gl/HXMu7J