蕭定一：好小事啫
同屬蕭定一公司旗下的王宗堯與莊思敏掀罵戰，老闆蕭定一態度中立，覺得事件是小事，好快便會「小事化無！」對於有傳兩人曾向蕭定一投訴對方，蕭定一否認說：「我都係啱啱先知，（會唔會做和事老？）唔需要，都冇事啦，好小事啫，只係大家喺工作上面嘅睇法有分歧啫。」
張建聲則與莊思敏出席同一活動，他坦言二人有責任感才會口角，並坦言：「床頭打交床尾和，但酒錢佢兩個畀。」說到莊思敏喊，他坦言已安慰對方，說到她指與王宗堯冇朋友做，張建聲愕然謂：「道氣未下晒啫，經過呢啲經歷可能更friend，但呢啲嘢冇得逼。（莊思敏話佢斷佢衣食？）係誤會，我會做和事老。（覺得王宗堯過分？）佢壓力好大，喺套戲用咗好多心機，交番畀佢自己諗，由佢負番呢個責任。」
至於有份演出《導火新聞線》的何佩瑜（Jeana）謂：「大家都係想件事好，其實好小事啫！相信佢哋好快冇事，暫時我開工未見莊思敏，王宗堯就有同場。（佢係咪係一個會抱不平嘅人？）我同佢唔係太close friend咋。」
