泳豪事業行先李家鼎唔提衰嘢
藝員李泳漢結婚，其弟李泳豪與父親李家鼎相當高興。泳豪笑言：「見過未來大嫂，非常Nice。（你大哥以為你結先過佢？）邊有得講，佢哥哥嚟，梗係佢先啦。（依家以事業為重？）梗係事業行先，除咗車，自己都擺好多心機喺生意，好多嘢做。（同楊思琦一段情令你怕咗拍拖？）唔講呢樣嘢喇。（屋企人話唔請楊思琦？）都係唔講喇。」
而李家鼎則大讚泳漢妻子是滿分新抱：「畀佢滿分，呢個新抱好乖、好純，好孝順，好識尊重老人家。個仔一月先舉行婚禮，做老竇要幫手搞搞震。其實自己都好忙，又要教人馬術又要拍劇，但個仔叫到，我哋就跟佢柯打做嘢。（有指唔請楊思琦？）啲嘢過咗去就唔好提，依家屋企辦緊開心事。」