Lea T.龐卓欣飲果汁排毒減肥

應屆港姐亞軍龐卓欣、前港姐冠軍張舒雅、索模Lea T.、汪詩詩表妹湛琪清、組合BOP成員Gordon、有「創二代」之稱的羅力力及華明行副總裁高偉國等前日出席100%有機果汁店CATCH Juicery開幕，龐卓欣、張舒雅、及Lea T.三位靚女均異口同聲推薦以有機冷壓果汁作輕斷食及排毒，成效顯著。

龐卓欣仍未簽無綫

身材弗爆的名模Lea T.是有機食品及飲品的支持者，向來注重健康的她對該店的果汁讚不絕口：「佢哋嘅蔬果全部有機，係由外國入口，好開心香港有呢類型店，可以令大家健康啲，我之前飲咗佢哋嘅果汁三日去排毒，個人輕咗，我試過佢哋所有嘅果汁同Smoothie，全部都好好味。（你會唔會喺屋企自製果汁？）唔會，因為佢哋用冷壓果汁機製作，唔係普通榨汁機。」提到聖誕節，Lea的家人會由斯洛伐克來港探望她，屆時由她任導遊。

久未露面的張舒雅，透露現時忙家中珠寶生意。

龐卓欣自嘲當選後體重上升，要飲冷壓果汁瘦身。

至於龐卓欣自嘲當選後體重上升不少，急需以有機冷壓果汁進行瘦身，回復苗條體態。談到工作，她表示仍未正式簽約無綫，還在考慮中：「公司都畀咗好多機會我，之前有份喺東華籌款表演打功夫，可以逼到我做唔同嘗試。不過簽約要簽5至7年，所以要考慮得好清楚，其實如果鍾意呢行，做5至7年都好正常。」

張舒雅冇諗過復出

另久未露面的張舒雅身材比之前更弗，她透露每半年也會利用果汁進行排毒：「我都覺得自己比之前瘦咗，我每半年會有四日乜嘢都唔食，淨係飲果汁，四日後會覺得自己身體好咗同成個人輕咗。近年好流行有機果汁，我自己都有好興趣，或者遲啲會做關於健康食品嘅生意。」已退出幕前的她被問到會否有意復出？她坦言：「我依家忙緊屋企嘅珠寶生意，冇諗過復出，我都老喇！」

文：名人組