關淑怡弗爆復出接騷唔理酬勞

歌手關淑怡（Shirley）近年較少於幕前演出，卻負面新聞不斷，曾在社交網上表示要退出樂壇的她，不但被指是「麻煩友」一名，更有傳她正面對經濟困難。不過Shirley懶理種種傳聞，專心一意為本月27號假香港文化中心舉行的「關淑怡X王憓X顧芮寧《感覺。國樂》中西薈萃音樂國度」做準備。早前她為演唱會拍攝宣傳海報，以黑色網狀tube dress上陣，大騷香肩和纖腰，完全不像一子之母！據知這次被視為Shirley「復出」之作，而且只此一場，所以門票反應非常熱烈，現只剩餘少量門票。

一口答應演出

這次Shirley願意「復出」，全因她首次嘗試中、西樂融合的演出，對中樂甚感興趣的她更一直有意學彈揚琴，可惜因時間問題而未能實行，所以當主辦方作出邀請時，她未理酬勞便一口答應演出，財困傳言不攻自破。是次演唱會中將會以箜篌（中國式豎琴）演繹《梵音》、古箏crossover西樂演繹《失戀演奏家》等，最受矚目的是Shirley將與新人顧芮寧（Elaine）以琵琶crossover《繾綣星光下》。據知Shirley是從數位歌手中挑選Elaine合作，因為Elaine玩中、西樂器都了得。Shirley說：「好少結他手可以彈埋琵琶，仲要咁高水平，我好欣賞佢！」而同樣有份參與演出的「二胡王子」王憓出身自音樂世家，其父親為二胡大師王國潼，屆時亦會現身演唱會捧場。

關淑怡睇中顧芮寧（左）中西合璧的音樂實力，合作開騷。

關淑怡將與出身自音樂世家的王憓合作。

平反麻煩形象

此外，這次Shirley的形象指導為張學潤（Nel Nel），兩人早在21年前已合作過，對於好友被指是「麻煩友」，Nel Nel為對方平反說：「佢一啲都唔麻煩，除咗海報件衫，仲有件低胸衫，佢一見到就話冇問題，好肯去試裝。其實佢只係要求高，藝術家性格，有時唔識表達啫！」他更大讚Shirley身形勁弗：「佢身材好到連件衫唔使改。（有冇裝嘢？）佢入面淨係戴一個普通嘅bra，冇裝假狗。」

文：音樂組