陳慧琳舞出撩陰腿拆Sunny Wong祠堂

天后陳慧琳（Kelly）最近為月底舉行的《陳慧琳let's celebrate！世界巡迴演唱會》秘密練兵，她昨在Facebook上載排舞片段，這段舞步由著名排舞師Sunny Wong及另一男舞蹈員一前一後托起Kelly，最初先由女舞蹈員Cindy做替身，Kelly從旁參考。不過Cindy不慎踢中「小Sunny」，被「拆祠堂」的Sunny即慘叫，「食花生」的Kelly笑說：「好彩係Cindy，如果係我就已經（踢）應咗。」
Sunny Wong從後抱起陳慧琳，之後竟被她踢中下體（圓圈示）。
Sunny Wong從後抱起陳慧琳，之後竟被她踢中下體（圓圈示）。

扮喊耍冧

之後到Kelly埋位，Sunny從後抱起她時，Kelly又不慎使出「撩陰腿」踢中Sunny下體，齋聽Sunny的慘叫聲已感受到「男人之痛」，他邊手掩下體，邊痛到彈彈吓。尷尬的Kelly惟有賣萌耍冧，對鏡頭扮喊說：「Sunny喊呀，好慘。」

事後Sunny接受電話訪問時仍有餘悸：「嗰吓都幾痛，休息咗一陣先冇事，係男人最痛。冇嬲，因為Kelly驚，隻腳先會勾咗出嚟，冇心嘅。同佢排咗幾個月，已經畀佢唔覺意掃到嗰度好多次，但咁應真係第一次。」

Sunny被踢中後痛到彈開。
  • Sunny被踢中後痛到彈開。
中招後的Sunny（左）狀甚痛苦。
  • 中招後的Sunny（左）狀甚痛苦。
陳慧琳扮喊耍冧。
  • 陳慧琳扮喊耍冧。