金剛證情未變同蕊蕊一齊瞓

金剛之前捲入台灣夜店槍擊案，但事件已告一段落，他於台灣處理完自己的生意後，昨凌晨近1時返港，期間有一位男友人到機場接他，金剛女友蕊蕊沒現身。

助查16小時

金剛現身時心情輕鬆，並坦言槍擊事件與他無關，不然也回不了香港：「係朋友話介紹朋友畀我識，我上到去，出嚟就已經打緊，情況混亂，我連房都未入已經畀人推咗入廁所。」問為何不立刻離開？他謂：「都行咗一段路，係侍應叫我入廁所，後來等警察到我先出去。（聽到槍聲？）聽到幾聲，成件事好似關我事咁，真係黑仔！」他表示到當地地檢署接受調查16小時後，查明事件與他無關，事情便告一段落，

對於涉案夜店被指有陪酒小姐坐枱，因而令女友不悅，金剛稱：「我都未入到去，點會有女仔坐枱？去呢啲地方好睇自己，我又唔飲酒，都係諗住打聲招呼就走。」對於有指與蕊蕊已分手，二人同住卻分房瞓，金剛指是傳聞：「係一齊瞓。（有嗌交？）兩個人生活中都會有。（關係不變？）無變，無分手。」他又解釋因路程太遠女友才沒接機。

蕊蕊對金剛十分信任。（資料圖片）	金剛由友人接載離開機場。	蕊蕊與金剛經歷過不少風波。

再問金剛是次到台灣傾生意結果如何？他說：「好初步，未傾成。」他笑謂下次要到咖啡店傾生意，問屆時會否帶蕊蕊同行？他說：「唔鍾意工作帶埋女友，正如佢做嘢我都唔會跟去。」

獲女友信任

男友平安回港，蕊蕊受訪時說沒大肆慶祝：「咁夜食嘢好肥！（點解唔接機？）太遠，佢都有朋友接，唔使我啦！（唔擔心？）佢之前都交代咗，知道佢無事。（之後陪金剛多啲？）大家會食個飯輕鬆吓。」

講到金剛說與蕊蕊情未變兼一齊瞓，蕊蕊說：「係，不嬲都係。」她續說金剛會繼續到台灣傾生意，問會否要求男友多報告行蹤？她稱：「之前係意外，唔使成日報告，信佢。」

文：影視組