何超盈心痛超蓮讚勇敢

賭王四太梁安琪與女兒何超盈、兒子何猷亨昨日現身澳門出席澳博慈善拍賣晚宴，提到三房女兒何超蓮與歌手男友吳克羣分手，超盈坦言心痛妹妹，並大讚她勇敢、好堅強。問到會否替妹妹感不值？她坦言：「佢哋兩個人之間嘅事，我同佢前男友唔太熟，見過幾次，佢（超蓮）deserve better，搵個好啲，（知唔知分手係咪因為第三者？有冇聽佢呻過？）我知道佢前排唔開心，第三者我唔肯定，總之超蓮係一個好女仔，做足女友本分。」