堪輿學家陳子才指城城與方媛非常啱Key：「第一，城城命格五行屬水，方媛命格五行屬火，呢個配搭唔錯；第二，雙方生肖都係對方嘅『天喜桃花生肖』，容易對對方有好感；第三點係佢哋嘅夫妻宮相合，感情溝通良好；第四點，女方性格熱情主動、乖巧，甚得城城歡心。」
城城早前放話想結婚，問是否快有好消息公布？陳子才說：「2016至2017年都係城城結婚年，我諗好快有喜訊傳出。」問是否很快生B？陳子才說：「最快2017年會有喜訊！」
