白只被金馬影帝電暈
影帝郭富城、白只及導演翁子光，日前為電影《踏血尋梅》接受訪問。演過多次警察的城城於戲中演老差骨，坦言每個人的生活背景均不同，不介意他日再挑戰同類型角色。城城又大讚拍檔白只富有天賦：「依家佢喺金馬拎埋獎，係有潛質演好呢個角色，我都做過新人，畀多啲信心佢。不過佢見到我有少少壓力，話晒都係兩屆金馬影帝，唔係流（口架）嘛！」
白只首次由舞台劇轉戰影壇已奪金馬獎「最佳男配角」，他坦言拍攝初期感壓力：「好佩服演員拍攝嗰日已進入角色，好神奇，好似即興，唔似得舞台劇可以幾個月前綵排晒先演出。（同城城演對手有壓力？）有，四目交投時佢對眼咁大，女仔都有心跳，何況我！」