無綫藝人苟芸慧（苟姑娘）曾被指介入城城與熊黛林關係，一直堅稱與城城只屬工作上好友的苟姑娘，昨日接受電話訪問時大方送祝福：「人哋嘅嘢唔回應太多嘞！不過作為朋友，衷心祝福佢哋幸福快樂。」
而曾與郭富城傳緋聞的歌手蔚雨芯，亦在電話中恭喜城城並大爆早知有新城嫂的存在：「佢（城城）條件咁好，有乜出奇？我哋有個群組，之前佢生日，大家都提及呢個女仔，知有個女仔存在，只係人哋私事，我哋唔會講啫。」而另一舊愛鍾麗緹就與男友張倫碩昨日在微博晒溫情，與鍾媽媽慶祝生日。
