何麗莎摘后冠齋笑腦空白

由「香港珠寶製造業廠商會」主辦的第四屆「香港珠寶小姐」總決賽，前晚假會展舉行，由現年23歲的何麗莎奪冠軍，何麗莎來自馬來西亞，曾在檳城參加過Miss Astro International選美，雖有選美經驗，但她仍欠缺信心，直言獲選一刻腦海空白：「你見我口合唔埋咁笑就知，當選真係好開心，無諗過。（之前參加過選美有優勢？）當今次係一個騷咁，之前試過選美，但果次唔太開心，覺得自己唔適合選美，所以公司叫我參加時，我都諗咗幾日，最後都決定去，今次好舒服，好開心。」本身是名模Jessica C.師妹，其公司是繼洪子崎後，再跑出第二位珠寶小姐，她希望挾珠寶小姐之名繼續留港發展模特兒事業。

許倩慧興奮瞓唔着

亞軍得主許倩慧稱前晚比賽後回家已凌晨二時，心情興奮至早上七時也不能入睡，她說：「攞獎時眼淚差啲湧出嚟，多謝屋企人咁支持我，又好多謝朋友網上投我票，特別多謝Qinnie（名媛陳君宜）教我好多，依家講嘢成熟咗。」她說比賽獲得的珠寶會全數送媽咪，把她包裝成珠寶媽咪，而獎金則一半給家人，一半自己儲起，她形容自己像寶石中的opal stone說：「隻石白色，好似人生底色應該係純白，上面嘅彩色色斑，就好似人生的挑戰和磨練。」季軍的吳嘉琪，認為自己輸在緊張，而曾於理大修讀設計的她，有意修讀與珠寶有關的課程。三位得獎珠寶小姐昨日更履行職務出席珠寶展。

羅霖頒獎給何麗莎。	（左三起）：許倩慧、何麗莎、吳嘉琪、羅霖、莊端兒。	陳君宜任導師兼評審，與老公鄭躬明及兒子到場。

陳君宜囝囝愛 女

前晚擔任導師兼評審的陳君宜，其夫婿鄭躬明帶同未滿一歲的兒子到場。Qinnie讚她們有鬥心，訓練期間無呻過辛苦，說：「見佢哋台上表現覺得好感動，好似自己啲囡囡咁，教好咗佢哋可以出嚟見大家喇，咁佢哋嘅表現都見得人。（今晚帶埋囝囝嚟？）佢好鍾意睇女仔，頭先啲佳麗跳舞嗰part，佢仲撥開我，嫌我阻住佢睇靚女。」

文：名人組