男人幫霸氣勁舞 後生30年

黃家強（左起）、任賢齊、蘇永康和梁漢文各以不同顏色歌衫亮相，並大鬥唱功。

演唱會約八時半開始，一開始舞台被白布遮住，並播放四人籌備演唱會的片段，之後白布掀起，各以不同顏色造型上陣的四子站在舞台最高處獻唱主題曲《男人幫》，當中以最貪靚的蘇永康最浮誇，披上墨綠色大袍的他霸氣十足！小齊則穿紅色大衣，家強和Edmond各以黑金色及銀色西裝出場，Edmond的西裝更是透視穿窿，十分性感！

唱完《光輝歲月》後，四人輪流跟歌迷打招呼，之後他們在台上放笑彈，小齊講到眾人之前到雲頂及台北演出，今次就返香港演出，家強笑言：「今次仲會跳舞，好似後生咗20、30年！」之後更笑言他們是「Boy Group」，蘇永康聞言反擊：「仲後生？我哋加埋都200歲左近！」Edmond亦笑言：「四個小生加埋三球，我哋都係兩球啦，玩得開心最緊要！」

小齊老婆（左二）帶埋仔女打氣。	狄波拉（左起）、梁漢文老婆、蘇永康太太齊齊撐場。	黃家強老婆

擺Beyond上枱

之後小齊謂希望四人可舉行世界巡迴演出，家強有感而發說：「有啲難度，因為要夾人，而且需要一條心。」抵死的蘇永康即擺Beyond上枱：「家強由衷講咗呢句肺腑之言。」擺明寸Beyond不和，未能重組。Edmond亦講到跟蘇永康組了BIG FOUR數年，今年組男人幫就被傳不和，蘇永康即笑言：「打麻雀都冇話廿年同一隻腳，光頭嗰個（張衞健）仲話我哋牆頭草！」Edmond即自認：「我哋係呀！」場面搞笑。

文：音樂組