龍劍笙培養感情望完美演繹
龍劍笙（阿刨）下月將演出十六場《紫釵記》，阿刨近日加緊與兩位新進花旦李沛妍及鄭雅琪排戲。丘亞葵指阿刨對《紫釵記》實在太過熟悉，根本沒有難度，現在首要是與兩位花旦「培養感情」。對於何時會再開騷？丘亞葵則說：「阿刨話睇緣分！」
粵劇名伶龍劍笙（阿刨）下月假香港演藝學院歌劇院演出十六場《紫釵記》全劇，門票一早被阿刨的戲迷搶購一空，九月返港後一直為演出準備的阿刨，近期加緊與兩位新進花旦李沛妍與鄭雅琪排練「培養感情」，務求以最完美的演出報答戲迷。新娛國際負責人丘亞葵（Vigo）前晚前往探班，丘亞葵被問到阿刨對兩位新人有甚麼指點﹖他說：「阿刨成日都講，喺台上最緊要做到自然、順暢，套劇已經排到好熟，因為戲裏面阿刨係同佢哋做情侶，依家阿刨要同佢哋培養感情。」
新人獲益良多
阿刨再演拿手好戲《紫釵記》，問到丘亞葵的排練進度？丘亞葵說：「阿刨對《紫釵記》實在太熟，對佢嚟講係冇難度，佢排練得好輕鬆，阿刨再演係一心想盡自己嘅能力去幫助新人，等佢哋可以做好啲。」兩位新人李沛妍與鄭雅琪難得有一位殿堂級前輩阿刨昔心指導及扶持，自然獲益良多，丘亞葵也大讚兩人對長輩的尊敬態度，他說：「李沛妍、鄭雅琪唔單止對阿刨好恭敬，連對其他長輩都係咁，好難得。」
再演要睇緣分
阿刨的十六場《紫釵記》對有門票的戲迷故然期待，但未能成功搶飛的戲迷更關心阿刨再開騷，丘亞葵表示：「阿刨九月返嚟香港，明年一月中演出完就會返溫哥華，我都問過佢好多次會唔會再演，阿刨答我睇緣分啦，我就相信希望在明天。」
文：影視組