一姐失寵？ 吳若希唔覺輸蝕
歌手吳若希（Jinny）、許廷鏗（Alfred）、胡鴻鈞（Hubert）及何雁詩昨晨出發往馬國，為今晚的頒獎典禮任表演嘉賓。問有否信心奪電視劇主題曲獎？Jinny說：「睇吓有冇機會啦！但係Alfred同Hubert首合唱歌好犀利，我都係抱住去表演心態。」問到行紅地氈的戰衣會否性感？Jinny笑說：「會露少少腰，事業線同腳都唔露喇！」
提到有指同是星夢娛樂的鍾嘉欣獲老闆何哲圖揼本拍MV，因而傳出Jinny失寵，Jinny說：「個個都會輪住出歌o架啦！（怕嘉欣搶你一姐地位？）唔會！大家都想佢唱多啲歌，我哋邊有分一姐呢，係外間咁講咋嘛！」至於與Hubert「瓜分」MV，Jinny不覺得輸蝕，有此做法全因兩人想MV有故事延續性，並指成本比單一MV更高。