姚子羚唔怕醜水着呃Like
姚子羚最近上載生日旅行時拍攝的泳衣照上網，身材Big爆獲網友激讚，子羚昨晨出發往馬來西亞時被提起此事，即High爆笑不攏嘴，身旁好友胡定欣、黃智雯及李施嬅即笑說：「佢根本就係想要（網友）呢啲反應！」子羚笑說：「咁去得夏天嘅地方梗係着泳衣，唔使咁怕醜啦！所以同大家分享吓囉！」
對於獲讚升Cup，定欣笑子羚：「其實你係咪有咗呀？」引得眾人大笑！子羚搞笑附和說：「應該係啦！（今次旅行同男友去？）同幾個朋友。（收到咩難忘禮物？）冇咩特別吖！有得放鬆吓已好開心。」問子羚今晚的戰衣會否很性感？她表示是露背裝，前面相當密實，相信網友會大感失望！
