堪輿學家麥玲玲前晚出席蔚雨芯音樂會，對於早前因記者畀錯安志杰的生肖資料，令玲玲算錯對方與Jessica C.唔夾，安志杰在微博留言叫玲玲「轉工」，玲玲前晚指記者是在網上搵資料，並暗寸安志杰：「網上資料成日都會錯，佢只係安志杰唔係李連杰，錯都唔奇吖。」是否覺得安志杰小器？玲玲說：「好難講，得意咗啲囉，如果係我會用幽默方式表達，可能佢真係好唔高興屬龍。」
提到她在台慶夜中提早離場，令藝人于淼補上贏得大獎，問玲玲會否覺得唔抵？她說：「唔會，我又唔係正式藝員，于淼都話請我食飯，佢係後輩，等我啲前輩請啦。」
