陳松伶保健康婚姻中港頻撲

藝人陳松伶（松松）和「美容教主」鄭明明昨日出席自家內衣品牌開幕典禮，松松表示內衣跟健康息息相關：「着啱內衣可以改善體形，唔會壓抑到乳腺同淋巴。」又謂現主力留港經營內衣生意，故對內地藝人老公張鐸大感虧欠：「少見咗好多，佢精神同金錢上都好支持我，一段健康婚姻點可以3個月唔見，所以我一有時間都會返去探佢。」而造人計劃則順其自然。