G.E.M.疑擦錯鞋捱轟

鄧紫棋（G.E.M.）日前往美國新澤西州開騷，期間大叫：「紐約，紐約，謝謝紐約，我愛你紐約。」事後有當地粉絲覺得她似自抬身價：「有本事就去紐約辦演唱會，在新澤西州裝甚麼？」其公司發言人謂：「相信係誤會，有粉絲幫佢上載短片，澄清佢有講新澤西州。因為部分門票喺紐約發售，亦有來自紐約嘅工作團隊，加上紐約同新澤西鄰近，好似喺香港開騷，都會多謝嚟捧場嘅澳門同廣州朋友。」
G.E.M.
G.E.M.

而對於經理人張丹及唱片監製批評香港傳媒，身在芝加哥的G.E.M.回應：「我一直都做好自己，希望將自己音樂帶到不同地方。」她又上載自己捧着蛋糕的相。昨錄影無綫節目的譚詠麟亦談到G.E.M.：「佢係不可多得嘅歌手，但同傳媒嘅關係好僵，都想搵佢傾吓偈。（覺得佢被洗腦？）自己都要分是非黑白，咁大個女有啲嘢要自己面對。（應該同佢經理人傾偈先啱。）唔會，我哋都係經理人，同行如敵國，無謂教精佢。」

譚詠麟
  • 譚詠麟