王浩信搵名師補鐘舞鬥後輩

王浩信、梁烈唯、鄭俊弘及許廷鏗等，前晚為《萬千星輝賀台慶》中的「男團新魅力」項目綵排跳舞。王浩信說對上一次表演勁歌熱舞已是7、8年前的事：「當年出隻快歌，就係最後一張唱片。我半年前開始再重拾跳舞，可能同年紀有關，機能有所轉變動作比較慢，希望可以做好啲。」

出五位數請教練

問王浩信面對一班年輕歌手是否有壓力？他謂：「有，始終慢啲，要將勤補拙。」為這次演出，他自費五位數請私人教練練舞。問會否擔心被拿來與韓國跳舞組合比較？他表示：「希望大家高抬貴手，我用誠意令大家睇到我付出嘅努力。」

多年沒跳舞的王浩信積極練習。	鄭俊弘專心排舞。	唱得之人許廷鏗擺出Chok爆甫士。

梁烈唯被問綵排時有否受傷，他稱：「有次跳跳吓，條腰『啪』一聲，我立即休息，相信係當年拍劇整傷嘅舊患，好彩其他舞蹈員幫我紓緩。」

唯唯積極對負評

對於近期被網民負評，唯唯說：「多謝大家關心，今次對我嚟講係非常好嘅一課，好深刻體會到藝人要慎言，因為藝人言行舉止容易成為焦點，所以自己要做好啲，尤其是自己表達較差，要少說話多做事」。

文：影視組