黃竣鋒落車救人 心痛小童受傷
前亞洲先生黃竣鋒日前於內地工作期間險遇車禍，當他坐車由汕尾海豐縣前往廣州途中，前面一架大型旅遊巴士與貨車相撞，結果釀成嚴重交通意外。黃竣鋒二話不說落車救人，多次到翻側的旅遊巴車廂內扶走傷者，其中最細的傷者只有五歲，看着小朋友血流披面，Jason大感心痛！
黃竣鋒（Jason）日前於汕尾海豐縣完成工作後，坐車由海豐到廣州，期間險遇交通意外！行車期間，前面一架大型旅遊巴士跟貨車出現碰撞，疑因當時天雨路滑，旅遊巴登時翻側，車廂內不少乘客猶如滾地葫蘆，頭破血流，釀成嚴重交通意外。
擔心到差啲喊
Jason坐的車因收掣及時，沒有撞向旅遊巴，不過目睹意外發生，黃竣鋒二話不說即落車救人，並多次到翻側的車廂內尋找傷者，將他們扶到安全地方。直至確定所有傷者已救出，黃竣鋒才放下心頭大石。眾多傷者當中，有一名五歲的小朋友，該小朋友頭、面不斷流血，傷勢嚴重。
事後黃竣鋒接受訪問時仍猶有餘悸，他直言親睹意外發生非常難受。他謂：「尤其當我見到個五歲小朋友不停咁流血，我真係好心痛，擔心到差啲想喊出嚟，希望個小朋友同埋其他傷者無事。」
文：影視組