早前在上海舉行了一個時裝雜誌活動，齊集多位中港台一線女星及美國超模，自然又會將紅地氈變為戰場，眾人爭妍鬥麗一番，務求成功成為焦點之餘，時尚衣着品味又可備受稱讚。想脫穎而出當然一定要悉心打扮，不過有時襯得太絕又或是太貪心地讓total look顯得too much就會扣分，「簡單就是美」這句格言總會有點根據。名模陳嘉容就大讚美國超模Karlie Kloss有超模風範，簡約得來優雅迷人。
「好靚，好有超模風範，大方得體，優雅迷人，演繹出簡約美，簡單得嚟又好Outstanding，髮型化妝亦都好襯，展現出女性嫵媚一面，但有少少plain咗啲，加番啲accessories會更加豐富同耀眼。」
「好大體，好穩陣嘅打扮，貫徹佢一向嘅學生情人形象，有種純情乖乖女嘅感覺，好有青春氣息，可惜就冇乜驚喜。」
「條裙幾靚，而佢都着得幾靚，高貴大方，露背設計大騷佢嘅滑溜玉背亦都有睇頭，係髮型老氣咗啲，唔好紮髻，放番啲頭髮落嚟會young啲，同埋可以加番對誇張款式嘅耳環，會更加突出。」
「由頭到腳襯到絕嘅配搭，顯得Over咗，有啲too much嘅感覺，條裙係橫間，對鞋又橫間，望落太多一間間，令人眼花繚亂，換對彩藍色甚至乎黑色嘅高踭鞋會靚好多，同埋髮型可以Casual番啲，自然啲或者set鬈會襯啲。」
「有種女神feel，紅裙襯紅嘴嘅造型幾sharp，不過略嫌露得多咗，有少少over，露上或者露下是但一樣會好啲，有一個focus就會更加搶眼，同埋可以加番啲金色嘅accessories就更加sharp。」
「成個total look感覺好多嘢，條裙已經好多details，髮型就應該簡單啲，唔好咁花巧，就咁all back或者直髮已經好好睇，感覺更乾淨利落。」
香港著名模特兒陳嘉容（Eunis），曾為各大國際品牌行時裝騷，在時裝界打滾多年，不論時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。