金燕玲為個竇接受阿蘇追求

金燕玲接受黎燕珊的有線節目《往事‧並不如煙》訪問，首度剖白與蘇施黃的同性戀情。兩度離婚的金燕玲澄清並非轉變性向，而是被對方所感動，還坦言初時只為生活而接受追求：「佢同我講鍾意我、要追我，可以無條件安排住嘅地方畀我，我心諗咩人嚟o架？我都唔係鍾意女人嘅，但好現實，我的確需要有人照顧。」她又透露曾為首任丈夫兩度墮胎：「因為我覺得佢唔想要，依家諗番覺得好彩冇生出嚟。」其後，金燕玲因懷孕而再婚，但因男方外遇而婚變，憶起離婚後的心情更忍不住嗚咽說：「我每晚都要飲酒同食安眠藥先瞓得着，好彩囡囡好生性，鼓勵我返嚟香港工作。」