宮崎駿師兄想收劉詠詩為徒

「星二代」龔慈恩女兒林凱鈴（Ashley）、黎燕珊女兒劉詠詩（Wynce）及藝人唐韋琪昨日出席動畫活動，Ashley以無伴奏組合Acapella與唐韋琪crossover合唱經典動畫《長腿叔叔》主題曲。問到母親可有給予意見？她說：「一直都有，我未試過揸咪唱，佢有教點樣揸咪就聲。」她表示是次歌曲由她與組員重新編製，保留輕快節奏，同時加入現代元素：「依家不停嘗試唔同嘅嘢，自己鍾意唱歌，又難得成班朋友合作。（透過參加歌唱比賽入娛樂圈？）仍然學習緊，未準備好，想自己更加叻先。」

林凱鈴首次去錄歌

除了精彩演出，現場的小屋布置更是Ashley設計。至於母親有否陪同到場？她笑說：「佢喺遙遠嘅地方睇緊，（喺現場睇你會有壓力？）冇壓力，但想做得更好畀佢睇。（演出有冇酬勞？）唔清楚，今次目的係創作設計同唱歌，學咗好多嘢，之前一直冇機會入專業錄音室，但為咗錄呢首歌終於有呢個機會。」

劉詠詩即場手繪動畫人物，獲大讚有天分。	宮崎駿師兄黑田昌郎與劉詠詩握手，笑言想收對方為徒！	林凱鈴與唐韋琪（右）重編《長腿叔叔》合唱。

而Wynce亦發揮繪畫才藝，即場手繪動畫人物，並獲宮崎駿師兄動畫大師黑田昌郎贈送親筆簽名，坦言感到很榮幸：「我好鍾意畫畫，中學時修art，依家當興趣，得閒畫吓，比較鍾意漫畫風。（做漫畫家？）未諗，細個時夢想係做漫畫家，鍾意創作。（大師喺台話收你為徒！）好開心，估唔到畀呢個機會我，好大嘅榮譽。（試吓？）都好想，因為依家做緊份理想嘅職業（空姐），佢讚我已經好開心。」

唐韋琪與亞視合作

現時15歲的Ashley演出，獲唐韋琪大讚重新編製的歌曲非常新鮮：「15歲嘅年輕人嚟講係好有音樂質感，感覺好突破。」提到與亞視合作，唐韋琪表示將為兒童節目擔任嘉賓主持，可能有長遠的合作：「會做一、兩集先，內容訪問兒歌嘅歷史。（怕唔怕冇糧出？）唔會太着重錢方面，志在同人分享兒歌嘅樂趣。」文：名人組