Bosco「搶親」？杏兒： 拍戲咩！
藝人胡杏兒昨日出席慈善步行活動，提到下月28日跟男友Philip（李乘德）結婚，有傳於Ritz Carlton設婚宴？她默認說：「之前未講得住，依家知道就可以call佢哋，希望盡快定人數，大概五十圍。」
杏兒會請舊愛黃宗澤（Bosco）出席，Philip亦表支持及歡迎：「如果佢（Bosco）得閒希望佢嚟，但我知佢好忙，我生日佢都有send message畀我。（會否尷尬？）唔會，大家都係朋友，相信佢都戥我開心。（有網友叫Bosco『搶親』。）拍戲咩！
依家係現實生活，大家睇得戲太多。」「胡說八道會」成員將擔任姊妹團，杏兒又有意請家姐做伴娘，婚後會請假兩個多月往愛爾蘭及英國度蜜月，了解雙方成長的地方。她又自爆Philip恨生BB，自己則想一次過生三胞胎。