何倍倩責飪重大綁住老公個胃

恒生新抱何倍倩（Anina）是位稱職的好太太兼好媽咪，常親自下廚為家人炮製美味健康的愛心晚餐，煲湯更是她的強項：「我十幾歲就去咗外國讀書，嗰時開始自學烹飪，最初研究點煲湯。我同老公好鍾意試新餐廳，食到好味嘅菜式，我會喺屋企自己研究點煮。我依家一星期都會煮三、四次晚餐，老公鍾意食屋企飯，覺得健康啲。」而兩人今年結婚10周年，她就笑言煮足10年。

用個心去煮

Anina十分認同「要綁住一個男人，就要先綁住佢個胃」這個說法，認為煮得一手好菜式絕對有助維繫夫妻感情：「因為老公放工返嚟好攰，可以食到佢鍾意食嘅餸菜，會好開心同覺得好relax，加上湯水滋補，會精神好啲同容光煥發啲。」雖然屋企有工人，但Anina會親自構思餐單及下廚：「係用個心去煮每一餐，見到老公食得開心我都會好滿足；小朋友嘅飲食就更加重要，成長階段一定要有足夠嘅營養；而且一家人一齊食飯係溝通嘅好時間。」

做煎釀雞翼，先將雞翼去骨並釀入材料，然後煎至金黃色即可。	何倍倩	何倍倩做煎釀雞翼，色香味俱全。

也有失手時

Anina不但會煮家常小菜，還擅長烹調工序繁複的手工菜，她煮的梅菜扣肉就獲家人朋友一致讚賞，這次她就教大家做煎釀雞翼，細心地將雞翼去骨，再將瑤柱、冬菇、粉絲等材料放入雞翼中，完全不覺得步驟麻煩。至於烹飪時可曾有失敗經驗？Anina笑言：「梗係有，最記得有次整生日蛋糕畀老公，唔記得應該要用無鹽嘅牛油，佢食落覺得好鹹又唔想hurt我，就照話好食，但最後食食吓都係鹹到忍唔住叫我試吓。」

文：名人組

場地：Le Creuset旗艦店