Ceci抗拒自殺飛車減壓
有「翻版高海寧」之稱的「辣車女神」鄒莉盈（Ceci），是新進跳唱組合B.Gs主音之一，自小想成為歌手的Ceci，出道一年已隨B.Gs在內地演出近一百場，Ceci更成為多個不同品牌的代言人，早前和隊友以近百萬酬金接下香水廣告，遠赴法國拍攝，最近則忙於灌錄EP，與隊友方堯（Yona）、周汶希（Jovi）、宋英秀（Onna）合作無間。
內地巡演百場
講到在內地的近百場演出，Ceci表示曾發生不少趣事：「好多時都因為時間問題未必有得綵排，所以喺舞台上走位都好靠自己臨場執生，初時都差啲撞埋一齊，有次個表演有煙花，事前又冇同我哋講，爭啲連頭髮都燒埋！」
被指似「翻版高海寧」，Ceci說：「可能係大家嘅笑容都比較陽光啩，我最希望可以似佢嘅事業步步高升、一樣咁受歡迎。」不過，成功背後Ceci亦曾經歷壓力爆煲邊緣，更想過自殺，她說：「嗰段時間B.Gs啱啱出道，網上有好多唔同聲音，有啲都幾難聽，自己試過想唔開，不過依家已經學識要輕鬆面對，得閒坐吓朋友車遊吓車河，風馳電掣，將煩惱拋開，係最佳嘅減壓方法！所以我會盡快考個車牌，到時可以自己周圍去。」
文、攝：追蹤組
場地：TW Autosport