張智霖催谷唐文龍再追阿佘

張智霖（Chilam）昨日偕佘詩曼（阿佘）出席《十月初五的月光》電影版發布會，席間，飾演「金勝」的唐文龍不在場卻被擺上枱，眾人笑稱假如該片票房報捷，唐文龍做代表全裸回饋觀眾。事後，Chilam自言幫唐文龍除衫，阿佘則充當攝影師拍片。會否考慮穿三角褲慶祝？Chilam說：「首先票房好係必須達成嘅目標，之後再安排好節目畀大家睇。」阿佘卻爆笑提議：「事緣有場拍笨豬跳，因為初時超重，為求全身減磅，佢淨係着住個恤衫領同一件褸，當時個造型非常出眾。」有否信心騷肌肉？Chilam笑道：「腹肌？我會覆你機！」

預祝追求成功

提到胡杏兒與男友Philip Lee訂婚，兩人均向杏兒送上祝福，阿佘說：「祝佢哋白頭到老，好戥佢開心。」自稱知道內情的Chilam，笑言不便多作回應。是否心急結婚？阿佘說：「我心急《十》片快啲上映。」

薛家燕感激Chilam捱義氣玩笨豬跳。

唐文龍

豈料，Chilam再次擺唐文龍上台，重提對方當年追求阿佘一事，他笑道：「一係金勝囉，再嚟一次！但佢唔夠膽，我問過金勝，我話嗰時唔覺有乜行動，佢話係有幾次。」唐文龍有甚麼行動？阿佘笑謂：「我都想知！（佢打畀你冇聽？）我cut線。（依家約你去街會接受？）如果一班人OK，同埋Chilam一齊囉。（約你睇《十》片必到？）咁首映見啦。」Chilam則抵死祝唐文龍追求成功。

捱義氣笨豬跳

同場的薛家燕透露本來要在澳門拍攝笨豬跳一幕，最終由Chilam和阿佘捱義氣頂上：「我驚足兩個禮拜，又同導演講未必拍到，Chilam好好人，佢同阿佘講唔好畀咁大壓力我，加上可能覺得我年紀大，所以佢話不如佢哋跳，我如釋重負。」

文：影視組