克勤聖誕搶灘親自剪片

唱得之人李克勤昨日與台灣歌手張韶涵（Angela）出席活動時即場與香港城市室樂團合作，克勤坦言有個多月沒獻唱，他說：「之前帶小朋友（兒子）去睇曼聯對曼城，佢哋好博愛，乜都想睇。」早前與天后容祖兒開騷的克勤表示為了趕及聖誕檔期推出演唱會ＤＶＤ，近日與祖兒落手落腳剪片，他說：「今次發行用好多個七位數，話聖誕檔期好賣啲，但應該剪唔切，因為得我同祖兒先清楚想表達啲乜，落手落腳做會近啲，都希望盡量參與，希望可以喺月底剪晒。」而姍姍來遲的Angela坦言是按主辦所講的時間到，久未來港的她說：「上次已經是演唱會，完了工作馬上要回台灣。」