Super Girls處女騷蝕晒底

組合Super Girls前晚在處女音樂會上大跳大唱騷舞技，趷籮、扭腰、趴地、擘髀、自摸樣樣齊，令近千「宅男」失控High爆，而穿上Deep V歌衫的Yanny與熱褲示人的Heidi先後「上下失守」，前者洩胸前白色膠紙，後者下身「見紅」露打底褲，官能刺激爆錶！
（左起）：Yanny、Aka、Jessica、Cheronna、Heidi <br>Super Girls穿上短裙仔勁歌熱舞，趷籮擘腿誘歌迷！
（左起）：Yanny、Aka、Jessica、Cheronna、Heidi
Super Girls穿上短裙仔勁歌熱舞，趷籮擘腿誘歌迷！

Super Girls前晚在九展舉行首個音樂會《Flash On Live 2015》，全場近千企位爆滿，吸引林二汶、影壇新人廖子妤及模特兒王君尉捧場，並邀得師妹陳詩欣及新人周殷廷任嘉賓，身為好友的組合C AllStar及因拍無綫劇《女人俱樂部》成為姊妹的陳瀅、王敏奕及賴慰玲亦神秘現身舞台，SG答謝父母時齊齊眼紅紅。

感動眼紅紅

SG全晚換上三套性感歌衫，期間擺出趷籮、扭腰、趴地、擘髀及自摸誘人舞姿，Deep V上陣的Yanny在Solo時胸口不慎露膠紙邊，Heidi更露出粉紅「底」三角位，隊長Aka亦大騷白滑玉背，其後五女有感而發說：「冇諗過開到呢個騷，因為出道時曾經唔畀人認同，中間經歷好多嘢，有諗過放棄。」

Heidi獻唱時露出長腿。
  • Heidi獻唱時露出長腿。
Yanny不慎露膠紙邊，她事後笑言潮流興。
  • Yanny不慎露膠紙邊，她事後笑言潮流興。
陳詩欣為師姐擔任嘉賓兼打氣。
  • 陳詩欣為師姐擔任嘉賓兼打氣。
陳瀅、Cheronna
  • 陳瀅、Cheronna

演唱會後，五女雙眼通紅接受訪問，Aka說：「講過第一個喊就請食飯，我唔係唔想請，係想挑戰吓自己。」五女坦言能夠開騷是意想不到的事：「曾經有段日子冇唱片公司，面臨分散，冇諗過有呢個騷。」問到男友有否捧場？五女異口同聲強調單身，抵死的Jessica說：「Single Forever。」Aka即高呼「No」，不過Yanny開到口恨拍拖：「希望下次開騷，有男朋友捧場同送花。（你好渴？）大家都需要愛。」

緊張到病

Heidi透露緊張過度搞到病：「今早起身作病，流鼻水同係咁咳。（露底喎？）打底褲嚟o架啫。」Yanny則說：「膠紙係潮流一部份，唔算走光。」隨即哀求記者：「可唔可以唔好用膠紙做標題？（應該谷胸上陣？）要接受自己，唔好假。」

文：音樂組