飯煲藏戒指冧爆求婚

胡杏兒昨日於尖沙咀出席活動時，正式宣布與男友Philip的婚期定於12月28日。杏兒更分享男友sweet爆的求婚過程：「幾個月前求婚嘅，佢擺咗隻戒指係個飯煲度，有啲米咁。（叫你做佢煮飯婆？）係！」二人雖只拍拖一年，但杏兒迅速答應：「大家都唔細，知大家要咩，人生觀、價值觀都差唔多，對家人、工作理念都好近，知對方啱自己。」杏兒在前晚凌晨時分，於微博上載與Philip的婚照，留言謝謝對方邀做終身伴侶之餘，更透露男友在她不吹頭睡覺時會一邊幫她吹一邊罵她，令人聯想到二人已同居。但杏兒就否認：「未move in（搬入），但我哋會spend time together（會花時間一起）。」