韋家雄enjoy拍劇：每個都係主角

無綫資深演員韋家雄在台慶劇《梟雄》中飾演黃秋生的「忠僕」，言聽計從為秋生排難解憂。角色看來不起眼但韋家雄的務實演繹，除了對手戲最多的影帝黃秋生多番大讚外，或者是實力派綠葉買少見少下，連網友也一致好評，韋家雄接受專訪表示：「同秋生合作開頭都有壓力，但原來係好容易相處，同佢拍劇學到好多，佢演繹、對白好有畫面，同埋佢無論大小演員都好肯畀機會，佢會出聲話不如試多次。」講到可希望攞獎？他說：「有秋生哥讚賞，心裏面已經覺得攞咗獎。」

信命運不強求

近期陳國邦有感發展未如理想決定離巢，入行廿多年的韋家雄一直擔任配角會否心有不甘？韋家雄則說：「每個人諗法唔同，我好信命運，只要做好自己嘅角色，我覺得每個角色都係主角，一套劇冇咗啲細小嘅齒輪亦唔會好睇，喺《4 In Love》都試過做一個單元主角，自己又冇諗過要做主角。」

韋家雄於《梟雄》扮演黃秋生的「忠僕」，獲對方多番讚賞。

韋家雄早前與唐詩詠現身《梟雄》宣傳。

開CG製作公司

現年五十歲的韋家雄滿足現狀，樂於做綠葉，但當然也曾經歷困惑期，他說：「當年拍完《真情》，見到自己好似停滯不前，後來離開咗TVB去做生意，之後蝕晒啲錢，就返嚟拍劇。我覺得做嘢最緊要搵到樂趣，如果唔enjoy、數住有幾多場戲，係一件好痛苦嘅事。」

以興趣行先的韋家雄兩年前開了一間CG製作公司，他說：「自己對幕後製作好有興趣，好鍾意睇、研究電影係點製作，所以開咗間公司幫人做CG。」

文：影視組