翁嘉穗慳家行街冇購物

早前再添一子的前港姐翁嘉穗，日前與富商老公鄔友正於中環行街街，二人打扮率性。期間翁嘉穗展示慳家本領，忍住唔買嘢。雖然無收穫，但翁嘉穗未有向老公「詐型」，離開商場時一直與老公傾個不停，二人不時甜笑相對。二人等司機接載時才發現記者，翁嘉穗即一臉愕然，反而老公則四萬咁口望着鏡頭騎騎笑，之後二人繼續傾，漠視記者，未幾二人就上車返家湊仔。