李日昇做生意孭債上身

童星出身的李日昇從小在演藝圈打滾，至今23歲的他銳意在圈中闖一番事業，並報讀無綫藝員訓練班。原來他在訓練班時期就一邊創業，以加盟形式投資一間位於九龍城的糖水店，「升呢」為老闆！不過，在創業期間卻遇到不少阻滯，他說：「我有少少覺得畀人呃咗，因為上一手老闆留咗個爛攤子畀我，佢訂水果嘅債未清，又未出齊糧畀員工。」提起他如何被上一手老闆「氹落疊」，他更怒氣沖沖：「我本身都有興趣創業，佢同我講一定賺到錢，咁我就心郁郁！衰就衰在我事前冇Check清楚，老實講個舖位幾好，我做落生意係好嘅，不過原本啲債始終未清，最後間舖做咗三個月就執咗。呢次當買個教訓啦！」