周柏豪易呃 夾份上車買樓

不少年輕一代都有「上車夢」，DJ黃天頤去年與歌手許廷鏗聲演廣播劇大受歡迎，今年再下一城，與歌手周柏豪聲演廣播劇《唐七太空站》，故事講述天頤及柏豪原先並不認識，但卻因為「夢想」而夾份上車買樓。提到「上車夢」，近年投資有道的柏豪，早就快人一步，18歲已經做業主，他說：「我18A歲嗰陣爸爸提議我買樓，嗰陣做模特兒儲到少少錢，嗰層樓63萬，仲可以做九成半按揭，其實當時畀幾萬蚊就可以做業主，再加埋其他雜費，唔使10萬蚊就可以上車。（依家仲住緊？）冇啦，我已經賣咗層樓，換咗另一層樓。」

下一個目標搵林峯

在劇中柏豪性格善良又正直，天頤坦言睇中柏豪似「易被人呃 」，所以找他擔任男主角：「柏豪感覺上好敦厚，好有安全感，好易相信人，佢有呢種親和力。」談到現實中柏豪有否曾被欺騙？他說：「可能呃咗都唔知，自己唔會去深究，過得自己嗰關，就無謂去搵啲真相去傷害自己，我嘅世界好美好。」曾與兩位男神許廷鏗及柏豪合作的天頤，透露下一個目標是林峯：「廣播劇只係得把聲，睇唔到樣，唔夠全面，所以唔好晒咗，不如做吓搞笑嘅角色。」

周柏豪直言18歲做模特兒時已做業主。

黃天頤去年與許廷鏗聲演廣播劇大受歡迎。

再抽「大文豪」水

講到劇中其中一個亮點，要講到柏豪打爛玻璃欣賞其美態，不禁令人想起他亦曾打爛玻璃杯發表「偉論」，被網友封為「大文豪」，對此天頤坦言擔心過：「其實我哋寫劇本嘅時候都諗緊柏豪肯唔肯，都會禮貌上會問佢，如果佢唔肯就刪走佢。」相反作為當事人的柏豪，則表示並不介意：「其實係大家care咋嘛，從來都唔覺得係甚麼嘅一回事，大家想講我咪講囉，社會係需要咁樣去運作架嘛，做幕前唔會太介意，最緊要係自己心理質素。」

文：專案組

攝：劉斌　

場地：Wontonmeen

周柏豪化妝：Kris Wong　

周柏豪髮型：Cliff Chan＠Hair corner