鄒文正幸運獲賞識
歌手鄒文正（Terry）曾因唱片公司被併購而慘成棄將，他指當時與公司討論，發現大家的發展計劃有出入，所以沒有合作，情緒亦沒因遭放棄而受影響，幸好終獲他人賞識，重拾在樂壇立足之地：「之前收購舊公司嗰間歐洲投資公司見我好似幾好，就提議同幾個人再開藝人部，所以嗰陣都冇徬徨。」
雖未為前景擔心，但星途不算順利的他坦言自己很幸運：「依家大環境唔太好，好彩有keep住熱誠，同新公司合作好愉快，多咗空間做自己想做嘅嘢。」Terry更自言愛玩，簽約新公司不足半年已讓他作多樣嘗試：「公司幫我接咗歌舞劇，要用英文演唱，加上要跳舞，其實都幾難，不過可以擴闊我事業同眼界。」