唐文龍玩過父女戀：自問OK
藝人唐文龍近年回港發展，希望在香港找回歸屬感的他，早前參與拍攝《十月初五的月光》電影版，近日又與娘家TVB洽談，同時已接下一部新片：「係陳嘉上執導嘅古裝片，會同趙文卓、洪天明合作，嚟緊會去橫店練功。喺內地拍戲最難頂係天氣，套戲12月拍，會有赤裸上身嘅戲，諗起都凍！」
談到感情生活，唐文龍坦言不強求：「身邊好多朋友都成家立室，好似天明都生咗兩個，真係要讚吓周家蔚！家人都有催婚，但自問圈子好細。（接受到父女戀？）我都接觸過嗰個世代嘅女仔，喺北京都同過廿幾歲嘅對象拍拖，自問OK，但都係睇個緣字，邊拍戲邊搵。」
早前他遭薛家燕爆料指當年曾追同劇的佘詩曼，他笑說：「當年我有女朋友，有feel都唔敢追人哋啦！（大家都回復單身？）我哋太熟，好難有嗰種感覺。阿佘係男仔性格，好捱得，希望佢多啲take care自己，唔好成日捱病喇！」