林夏薇孖老公歐遊鬥chok
林夏薇早前趁老公Jason到歐洲公幹，做跟得夫人陪伴一星期，順道度蜜月，期間二人到羅馬、威尼斯、米蘭及梵蒂岡等地，薇薇指此行獲丈夫擔任攝影師，平日cool爆的Jason更被太太傻氣融化，雙雙於鏡頭前鬥chok，她說：「佢見我扮型影相，自己又喺後面扮埋一份，影完自己都講笑話其實可以做model，大家唔好睇佢平時咁cool，其實佢有另一面，今次終於畀我發掘到！」
另外，薇薇前晚到中環出席產品發布會，提到投資火鍋店，她說：「依家學習中，第二間喺屯門嘅分店已經試緊業，就嚟開張，兩間舖總共投資咗八位數字。（諗住翻本？）暫時冇諗，我開舖唔係為賺錢，純粹想學習吓做第二啲嘢。」
