鄭裕玲領軍外景冇人敢遲

無綫節目《Do姐去Shopping》昨日舉行記者會，鄭裕玲出場亦氣勢過人，由馬國明、梁烈唯（唯唯）、鄭俊弘、沈震軒、農夫等人抬轎，其他嘉賓主持有黃翠如、陳敏之。

擔心翠如永城打交

鄭裕玲先後到澳洲、英國、法國拍攝外景，豈不是「大出血」？她說：「香港都會成日買啦。（六位數買嘢？）冇六位數，我過晒瘋狂買嘢嘅時期，好多大牌子香港都有，都係買啲特色嘢，唯唯就買得多。」向來她工作認真，拍攝時果然沒有人夠膽遲到，早早起身化妝，人人準時。

右起：鄭裕玲、陳敏之、沈震軒齊齊開蠔。	梁烈唯在英國瘋狂購物，太太有微言。	鄭裕玲不愧是姐級人馬，眾男抬着出場，氣勢贏晒。

近日洪永城表示對黃翠如付出「無限咁多嘅愛」，加上網上潮文威力，令兩人緋聞翻熱，昨日翠如說：「件事一啲都唔重要，我哋只係代名詞，大家投入咗落去。我都同洪永城講，有啲笑話係唔可以攞出來講，要顧及其他人嘅感受。（男友蕭正楠有冇唔開心？）冇，大家唔需要擔心佢同唐詩詠，佢哋反而擔心我哋會打交，係需要尊重，洪永城話擺和頭酒，聽住先啦。（有冇鬧洪永城？）佢好誠心請求我鬧佢，我勉為其難鬧咗佢一餐，唐詩詠叫我唔好咁嬲，其實唔係好大件事。」

唯唯血拼老婆詐型

最近與網友鬧得不快的唯唯，「封嘴」不再回應有關事件，反而大談到英國拍攝節目「大出血」，花了五位數：「衫、褲、鞋都比香港平好多，但係每次碌卡，老婆都會收到銀行訊息，睇見數字有啲微言。」至於馬國明在熱播的台慶劇《梟雄》中，對白由配音員聲演，他說：「一開始就同監製研究呢個問題，覺得用我把聲會怪，變咗有兩把聲，依家配音把聲好似秋生，配得好好。」

文：影視組