林子祥為自己設計舞台窿

林子祥(阿Lam)為慶祝入行40年將於明年一月底舉行4場演唱會,他昨日接受電台訪問時透露有份設計舞台,曾「跌窿」急送院的他說:「今次舞台都有窿,因為自己設計知道邊到有窿,唔會中招。(有冇留陰影?)冇,反而汪明荃成日笑我,每次同佢上台都話今次冇窿。」隨即表示當日「跌窿」多得對方卸力:「分分鐘係佢救咗我,因為我跌落去先撞到佢,再撞到其他嘢,佢幫我卸咗少少力。」

對於慘被指有「新女」,阿Lam沒好氣說:「每次演唱會都有花邊新聞。我識佢(緋聞女友)同佢男友,我同沙麗(葉蒨文)廿年夫妻,大家各自有唔同波友,唔係男就係女,大家互相信任。」