千嬅出埠唔單聲囝囝鬧情緒
楊千嬅與林海峰「合體」進軍大銀幕，千嬅發掘拍檔認真一面，建議對方日後可考慮開騷令觀眾淚灑當場！近日忙於為事業打拚的她，透露早前「瞞着」兒子往新加坡出騷，令對方鬧情緒，她坦言日後會多加注意。
楊千嬅及林海峰參演新戲《哪一天我們會飛》前晚舉行慈善首映，吸引大批圈中人包括關楚耀、周柏豪及麥子樂等撐場，場面相當熱鬧。席間千嬅與林海峰不忘互笠高帽，後者於台上打趣：「千嬅真係做得好好，再講多句就假嘞。」而今次是二人相隔10年後再合作，林海峰搞笑謂：「拍完呢部轉攻文藝路線。」千嬅即答：「咁不如你開騷令人喊啦！」
睇試片喊咗幾次
千嬅透露自己早前睇過試片，感動到喊幾次：「我易笑又易喊嘛！今晚老公攞咗廿幾張飛同朋友睇，啲家長朋友又有嚟捧場。」她又指日前與老公到新加坡開騷，事先未有告訴囝囝，返港甫落機即接獲學校老師電話，指囝囝情緒有問題：「唔開心囉，我阿媽都話我唔同個仔講聲，以後要注意。」
關楚耀客串大廚
另外，關楚耀由曾志偉公司宣傳人員陪同現身，問到是否落實簽約加盟？他謂：「都仲有細節要考慮，依家自由身囉，未知幾時有決定，梗係想拍多啲戲啦。」他表示與友人夾份於台灣開設意大利餐廳，目前已試業個多兩個月：「得閒就飛過台灣，會客串當大廚。」
文：影視組