張智霖有巾同享傷心SHARE

新片《十月初五的月光》前晚在澳門舉行首映禮兼慶功宴，片中演員張智霖（Chilam）、佘詩曼（阿佘）、陳喬恩與薛家燕、莊思敏及鄭欣宜等盛裝打扮示人。男女主角張智霖、佘詩曼及陳喬恩壓軸行紅地氈，引來逾百觀眾圍觀及尖叫。穿上黑色Tube Dress的阿佘性感又高貴，相反陳喬恩相當密實只騷美腿，但最性感則是真空上陣的莊思敏，晒胸又大露背！

慶功晒物證

首映後，一班演員出席慶功宴，Chilam與阿佘透露已看過電影多次，但仍會感動落淚，他還自爆要一張紙巾四個人分：「身邊啲女士全部都淚崩，我又唔記得帶紙巾，咪要一張紙巾輪流用！」他又拿出兩條紙碎作證明：「我啦、陳喬恩、佘詩曼同薛家燕一張紙巾分四份，我就分到呢兩條紙巾仔！」又作狀用紙巾捽擦眼淚，十分搞笑！阿佘在旁笑個不停，自言沒想到看過電影多次後仍會喊，Chilam則透露及後會為電影進行一連串謝票。

阿佘（左）穿上Tube Dress「肩」係靚，陳喬恩則晒腿抗衡！	張智霖爆與阿佘等一張紙巾四份用，自己只分得兩條「紙巾仔」。	汪琳（左起）、馬海倫與商天娥盛裝現身首映禮。

煲原作惡補

台星陳喬恩遲到個半小時才現身慶功宴，解釋因與粉絲會面所致。她透露演出該片前曾收看原劇惡補，首次看到電影版的她表示喊了兩次。

文：影視組