阿B續說之之心情已平復,並寄語她快些再覓另一半:「希望佢快啲搵到一個錫佢嘅男人。(陳泰銘唔夠錫?)吓?咁要問番佢。」對於之之主動提起近兩星期發生的新聞,更指事件主角未有理會其感受,似暗指被拍得一同行山的陳泰銘及劉嘉玲,阿B即說:「問番佢,佢(指之之)都可以約我行山,佢冇約之嘛。」阿倫又「搭訕」道:「我都好鍾意行山。」有指之之似嬲了嘉玲,阿B說:「應該係,呢個係佢(之之)嘅感受。(會唔會做和事老?)嘩,咁深。」他還指之之出席活動時狀態甚佳,應很快有新追求者,他太忙無暇多陪對方,問會否叫老婆范姜幫手?阿B笑言:「我同佢都唔係熟,各有各忙,好耐冇見。」