韓君婷矯正鼻骨拒絕加工

藝人韓君婷、黃芷晴及名模Lea T.昨日與新鴻基發展(中國)董事馮秀炎,一同出席apm商場的「史諾比:花生漫畫大電影」聖誕活動。身穿吊帶低胸裙的韓君婷,被讚事業線深長,但她笑言剛剛才知有「事業線」這講法。

提到她早前在浴缸跌倒而撞傷鼻骨一事,君婷透露近期會在香港進行鼻骨矯正,但不會選擇做手術:「依家做緊準備工夫同覆診,希望用最簡單直接又唔傷自己嘅方法。下星期醫生會話我知有咩選擇,咁就好快可以矯正好。(可以回復到之前咁?)應該得!」她又指不想「加工」鼻子:「呢度香港,又唔係韓國。之前復原時間好辛苦,唔想再經歷。」

黃芷晴搬新屋 聖誕開P

而同場的黃芷晴則穿上短裙大騷美腿,雖然被大晒驕人上圍的Lea T.及韓君婷火辣出擊搶盡「峰」頭,但心情依然靚爆。芷晴更笑指家中的兩隻古代牧羊犬似足經典動畫角色史諾比:「其中一隻已經14歲,但佢關節唔好,所以都定期帶佢覆診。(寵物店買返嚟?)唔係,係媽咪見佢身世可憐,由協會收養佢。」被問到上月與紋身男行街斷正,她強調只是一位認識已久的好友,更sweet爆表示男友不介意她有眾多異性朋友。提到聖誕節,芷晴自爆最近搬新屋,到時想與朋友在家中開party!

文:專案組