莊思明爆家姐常離奇不適

莊思明與溫家偉前晚出席電影《吉祥酒店》宣傳活動，談到姐姐莊思敏日前疑似撞邪狂嘔，莊思明大爆對方每次拍電影及拍劇初期都會無故不適，坦言都很好奇。問是否有了BB時，莊思明說：「唔好嚇我！應該唔係！（送驗孕棒畀佢檢查？）佢份人好小心。（煲藥畀佢養生？）我試過煲畀佢，不如叫佢煲番畀我。」問有否見過家姐身邊有「未來姐夫」的人選？莊思明指姐姐擇偶要求很高：「佢嘅朋友我都見過，但多數出現一、兩次就冇再見，叫佢唔好咁高要求，但佢好注重思想溝通。」提到其父親日前來港就醫，莊思明指是正常身體檢查及順道到港探望家人。